話說小編最近去貓cafe，然後見到好多橘貓🐈但係我發現有唔少都係男仔🐱所以小編有個疑惑：點解大多數橘貓都係男仔?🧐例如為人熟悉嘅加菲貓、無敵貓劍俠都係世界知名嘅橘色公貓🐈
｜橘貓嘅煉成🐈
每隻貓咪嘅基因密碼都乘載喺19對染色體🧬（共38條染色體）。公貓有XY染色體，母貓為XX染色體，其中X染色體決定毛色，而Y染色體存在與否決定性別。貓咪毛色由Orange基因決定，Orange基因只會位於 X 性染色體上，其對偶基因表示為：顯性O/ 隱性o 。
🐱公貓帶有XY染色體🧬，如果X染色體有顯性O嘅Orange基因，佢就會係一隻橘色嘅公貓🐈；🐱母貓帶有XX染色體🧬，不過如果要令母貓成為橘色🐈XX染色體需要同時都有顯性O嘅Orange基因，不過呢個機率大概只有⅓…
總結而言，橘色公貓只需1條X染色體帶有顯性O嘅嘅Orange基因，但母貓需同時擁有2條先可以成為，所以公橘貓數量比較多🐈。
關於三色貓嘅煉成都可以睇返我哋之前嘅「三色貓是怎樣煉成的？」
｜公貓嘅顏色🐈🐈⬛
上文提及，貓咪毛色由Orange基因決定，其對偶基因表示為：顯性O/ 隱性o 。Orange 對偶基因顯性「O」會表現紅褐色的嗜鉻黑色素(Phaeomelanin)，隱性「o」則表現黑色的真黑色素(Eumelanin)。所以，公貓通常擁有XoY– 嘅黑色基因，或者 XOY– 嘅紅褐色基因，即係本文嘅主角橘貓🐈至於其他顏色嘅貓，且待下回分解
彩蛋: 我哋UST有兩隻黃白貓🐈，一公一母🤭
Comments