top of page

祝理冬至快樂!

提到冬至,相信大家呢刻都係諗緊一陣幾點可以收工,又或者係今晚餐團年飯有咩好餸食。不過你又知唔知道冬至(winter solstice)除咗係傳統節氣之外,原來更加係一個年度天文現象?



地球嘅季節變化係源於地球擁有傾斜嘅自轉軸(約23.5°)。當地球圍繞太陽公轉時,南半球或北半球其中一面會因為地球處於傾斜狀態而面向太陽,令嗰面比另一面能夠獲得更多陽光;當地球公轉到軌道嘅另一邊時,原本面向太陽嘅半球就會成為背向太陽嘅一面。



Earth season
Credit: Wikimedia Commons

根據定義,一個半球面向太陽嘅日子屬於夏季;背向就屬於冬季。對於北半球而言,冬至係一年入面北半球距離太陽最遠嘅一日,因此冬至嘅日照時間屬於全年最短。相反,南半球今日就會獲得全年最長嘅日照時間。



冬至
Credit: 香港教育城

依照地球嘅公轉週期,北半球嘅日照時間將會喺冬至後開始逐漸增加,直到夏至當日(summer solstice,6月20/21日)變到最長,所以大家由聽日開始就可以享受更多陽光。 而睇完呢篇文嘅你今晚食團年飯就有一個冷知識可以同家人分享喇!


5 views0 comments

Recent Posts

See All

Comments


bottom of page