top of page

和理學流行文化:《金都》

Updated: Aug 12, 2023


《金都》
電影《金都》劇照

電影《金都》入面,男配角喺一幕入面示範自己踎低嗰陣可以用腳踭掂地,並自豪咁講呢個動作香港人同美國人都做唔到,只有內地人能夠做到。飾演女主角嘅鄧麗欣見狀之後就嘗試模仿,不過就失敗咗,到底男配角所講嘅說話有無科學根據呢?

亞洲蹲

男配角所做嘅動作俗稱亞洲蹲(Asian squat),原因係因為呢個動作喺亞洲文化入面頗為常見。雖然亞洲人的確比較擅長呢個動作,但做唔做到亞洲蹲其實同種族無太大關係。


首先,腳腕嘅靈活度係決定做唔做到亞洲蹲嘅主要因素。同一般嘅深蹲相比,亞洲蹲需要小腿額外伸展先可以完成,如果連接小腿同腳踭嘅阿基里斯腱(achilles tendon)過於繃緊,腳踭就無辦法喺踎低嗰陣彎曲足夠嘅幅度,令腳踭掂唔到地。


亞洲蹲

Credit: Care Online


除咗腳腕之外,要維持亞洲蹲姿勢仲牽涉身體其他部份,例如膝關節同臀部嘅髖關節需要有良好嘅活動能力先可以容許下半身屈曲,大腿同小腿亦都要足夠嘅肌力先可以喺踎低嘅時候分擔體重。由於亞洲蹲講求關節同肌肉之間互相配合,所以即使一個部份出問題都會做唔到。


亞洲蹲

Credit: 健康傳媒


雖然亞洲蹲嘅姿勢望落並唔優雅,亦都容易令人聯想到某啲唔文明嘅行為,不過呢個動作對於身體都有唔少好處,例如可以提升下半身肌肉強度、改善關節活動能力同舒緩因長期坐低而產生嘅不適感。

如果你有興趣嘗試亞洲蹲但唔又成功,你可以透過拉筋同訓練腿部肌肉等練習去慢慢掌握技巧,就正如鄧麗欣喺戲入面最終都成功做到亞洲蹲。

金都




14 views0 comments

Comments


bottom of page